Жыл сайын «мемлекеттік қызметтер туралы» Қазақстан Республикасы Заңының 23-бабының 6-тармағына сәйкес көрсетілетін қызметті берушілердің, мүдделі жеке және заңды тұлғалардың қатысуымен Мемлекеттік қызметтер көрсету мәселелері бойынша қызмет есептерін жария талқылау жүргізіледі. мемлекеттік қызметтер көрсету саласындағы қызмет туралы есептерді жария талқылау жетекшілік ететін салада мемлекеттік қызметтер көрсету мәселелері бойынша халықты хабардар етуге бағытталған. Жария талқылаулар сондай-ақ көрсетілетін қызметті берушілер қызметінің есептілігі мен ашықтығы, мемлекеттік көрсетілетін қызметтердің сапасы мен қолжетімділігі, мемлекеттік қызметтер көрсету процесін ұдайы жетілдіру, оларды көрсетудің үнемділігі мен тиімділігі қағидаттарының іске асырылуын қамтамасыз етуге арналған.
Солтүстік Қазақстан мемлекеттік архивінін сайтында «мемлекеттік көрсетілетін қызметтер», «Солтүстік Қазақстан облысы әкімдігінің мәдениет, тілдерді дамыту және архив ісі басқармасының Солтүстік Қазақстан мемлекеттік архиві» КММ-нің 2024 жылғы мемлекеттік көрсетілетін қызметтер саласындағы қызметінің қорытындылары бойынша есеп» бөлімінде 2024 жылғы мемлекеттік көрсетілетін қызметтер саласындағы қызметтің нәтижелері туралы есеп орналастырылған.
Барлық тілек білдірушілерге «Пікірлер» терезесінде ұсыныстар немесе ескертулер қалдыру мүмкіндігі беріледі.
Жария талқылаулар ағымдағы жылдың 13 наурызынан 31 наурызына дейін өткізілетін болады.
«Солтүстік Қазақстан мемлекеттік архиві» КММ
